UEFA Millətlər Liqası - Yığmamız səfərdə Farer adalarına qalib gəlib
Qadın futbolçulardan ibarət Azərbaycan yığma komandası bu gün UEFA Millətlər Liqasının C qrupunda növbəti matçına çıxıb.
Mediasport.az xəbər verir ki, Siyasət Əsgərovun baş məşqçisi olduğu komandamız səfərdə Farer adaları yığması ilə qarşılaşıb.
Bakı vaxtı ilə saat 17:00-da başlanan matç komandamızın qələbəsilə yekunlaşıb - 2:1.
Millimizin qollarını Kristina Bakarandze ilə Manə Mollayeva vurublar.
Siyasət Əsgərovun rəhbərlik etdiyi seçməmiz xal ehtiyatını 7-yə çatdıraraq qrup liderliyinə yüksəlib.
4 xalı olan qrup ikincisi Kipr bir oyun az keçirib.
Komandamız qrupda əvvəlki iki qarşılaşmada Bakıda Kiprlə 1:1 oynayıb, səfərdə Monteneqroya qalib gəlib - 1:0.
