ÇL-da püşkatma həyəcanı: Ölkə çempionunun rəqibi məlum olacaq
İyulun 4-də futzal üzrə UEFA Çempionlar Liqasının 2024-2025-ci il mövsümünün püşkü atılacaq.
Mediasport.az xəbər verir ki, İsveçrənin Nyon şəhərində keçiriləcək püşkatma mərasimində Azərbaycan çempionu "Araz-Naxçıvan"ın da rəqibləri bəlli olacaq.
Muxtar Respublika təmsilçisi reytinq cədvəlinin 25-ci pilləsində yer aldığına görə, yeni mövsümə də ilkin mərhələdən başlayacaq.
Püşkün nəticəsinə görə, 32 komanda hər birində 4 klub olmaqla 8 qrupa bölünəcək. Yalnız qrup qalibləri (cəmi 8 klub) əsas mərhələyə vəsiqə qazanacaq və B yolunda mübarizə aparacaqlar.
Artıq komandalar səbətlərə bölünüblər. "Araz-Naxçıvan" püşkatmaya 5-ci səbətdən qatılacaq.
Püşkatma mərasimi Bakı vaxtı ilə saat 16:00-da başlayacaq.