Atıcılarımız Bakıdakı Dünya Kubokuna uğursuz start veriblər
Bakıda keçirilən atıcılıq üzrə Dünya kubokunda ilk finalçılar müəyyənləşib.
Mediasport.az xəbər verir ki, pnevmatik tapança ilə 10 m məsafədən atəş açma yarışlarında qarışıq komandalar təsnifat mərhələsində mübarizə aparıblar.
Azərbaycanın iki komandası - Nigar Nəsirova ilə Ruslan Lunyovdan ibarət cütlük 568 xalla 21-ci yeri tutub.
565 xal toplayan Leyli Əliyeva ilə Vladislav Kalmıkovdan ibarət komandamız isə 25-ci olub.
27 cütdən 4-ü sabah reallaşacaq həlledici raunda çıxıb.
Türkiyə və Qazaxıstan qızıl, Ukrayna və Çin bürünc medal uğrunda mübarizə aparacaq.
