"Araz-Naxçıvan" Almaniya klubuna qarşı - UEFA Çempionlar Liqası
UEFA Çempionlar Liqasında iştirak edən "Araz-Naxçıvan" bu gün ikinci oyununu keçirəcək.
mediasport.az xəbər verir ki, Azərbaycan çempionu Almaniya təmsilçisi "Yan Regensburq"la üz-üzə gələcək.
Latviyada baş tutacaq görüş saat 15:00-da start götürəcək.
Qeyd edək ki, Vitali Borisovun baş məşqçi olduğu komanda dünən ÇL-in ilk oyununda Türkiyə çempionu "İstanbul Şişli" klubuna 9:1 hesabı ilə qalib gəlib. Qrupun açılış oyununda isə meydan sahibi "Riqa" almanları 3:1 hesabı ilə məğlub edib.
UEFA Çempionlar Liqası. İlkin mərhələ
“Yan Regensburq” (Almaniya) – “Araz-Naxçıvan” (Azərbaycan)
Hakimlər: Drazen Vukçeviç (Monteneqro), Martina Piccola (İtaliya), Arttu Kyynaeraeinen (Finlandiya)
Timekeeper: Kiazo Leladze (Latviya)
Hakim-inspektor: Vyaçeslav Darahan (Ukrayna)
UEFA nümayəndəsi: Massimo Nanni (San Marino)
Latviya, Salaspils. Salaspils İdman Arenası. Saat 15:00
