Azərbaycanın FİFA referisi UEFA Çempionlar Liqasına təyinat aldı
Azərbaycanın futzal üzrə FİFA referisi Əli Cəbrayılov UEFA-dan təyinat alıb.
Mediasport.az xəbər verir ki, o, Çempionlar Liqasının ilkin mərhələsində B qrupunun oyunlarında ədaləti qoruyacaq.
Cəbrayılov avqustun 21-də gerçəkləşəcək "Fiorentino" (San Marino) - "Amiqo Northvest" (Bolqarıstan) matçında birinci hakim olacaq.
Beynəlxalq dərəcəli hakim bir gün sonra "Fiorentino" (San Marino) - "Minerva" (İsveçrə) görüşündə üçüncü, "Amiqo Northvest" (Bolqarıstan) - "Pro Futsal Siumru" (Uels) qarşılaşmasında ikinci hakim funksiyasını yerinə yetirəcək.
B qrupunun oyunları Bolqarıstanın paytaxtı Sofiyada təşkil olunacaq.
