FHN-nin iki əməkdaşı İtaliyada dünya çempionu olub
Fövqəladə Hallar Nazirliyinin (FHN) Dövlət Yanğından Mühafizə Xidmətinin əməkdaşları Orxan Mehdiyev və Tural Useynov 23-29 oktyabr 2023-cü il tarixlərində İtaliyanın Karrara şəhərində keçirilən kikboksinqin WTKA versiyaları üzrə döyüş növlərinin dünya çempionatında iştirak ediblər.
Mediasport.az xəbər verir ki, Orxan Mehdiyev 65 kq, Tural Useynov isə 85 kq çəki dərəcəsində bütün rəqiblərinə qalib gələrək, fəxri kürsünün ən yüksək pilləsinə qalxıblar.
Hər iki idmançı dünya, Avropa və ölkə çempionu olmaqla yanaşı, dəfələrlə beynəlxalq turnirlərdə qalib adını qazanıb.
