Güləşçilərimiz daha 2 qızıl, 3 bürünc medal qazana bilərlər - AÇ-2023
Albaniyanın paytaxtı Tiranada güləş üzrə U-17 Avropa çempionatı davam edir.
MediaSport.az xəbər verir ki, sərbəst güləşçilərimizdən daha 2 nəfər finala çıxıb.
Cəfər Cəfərov (45 kq) və Camal Abbasov (60 kq) qızıl medal döyüşünə vəsiqə qazanıblar. Seyhun Əlizadə (51 kq), İsmayıl Rəhimli (71 kq) və Səid Paşayev (92 kq) isə bürünc uğrunda mübarizə aparacaqlar.
Qeyd edək ki, Azərbaycan yığmalarının aktivində ümumilikdə üç qızıl, bir gümüş və altı bürünc medal var.
