İspaniya yığmasına 0:7 hesabı ilə uduzan millimiz 1/8 finala yüksəldi
Çimərlik futbolu üzrə Azərbaycan milli komandası dünya çempionatının seçmə mərhələsində üçüncü oyununu keçirib.
Mediasport.az xəbər verir ki, millimiz İspaniyanın Kadiz şəhərində meydan sahibləri ilə qarşılaşıb.
Görüş ispanların 7:0 hesablı qələbəsi ilə yekunlaşıb. Millimiz yer aldığı A qrupunda 6 xalla 2-ci olub və 1/8 finala vəsiqə qazanıb.
İspaniya seçməsi 9 xalla qrup birincisi kimi mərhələ adlayıb. 1/8 final mərhələsinin oyunları oktyabrın 9-da keçiriləcək.
Millimizin rəqibi 8 oktyabrda baş tutacaq digər qrupların son matçlarının ardından müəyyənləşəcək.
Komandamız qrupdakı ilk iki oyununda İngiltərə (4:0) və Gürcüstan (7:2) yığmalarını məğlub edib.
