Karateçilərimiz BƏƏ-də yarışacaq
Azərbaycanın uşaq, yeniyetmə və gənc karateçiləri fevralın 23-də Birləşmiş Ərəb Əmirliklərinin Fuceyra şəhərində start götürəcək "Karate1 Youth League" turnirində iştirak edəcək.
mediasport.az xəbər verir ki,, yarışda 14 yaşadək uşaqlar, 14-15 yaşlı yeniyetmələr, 16-18 və 21 yaşadək gənclər mübarizə aparacaqlar.
67 ölkədən 1169 idmançının qatılacağı turnirə klub və milli komandanın üzvlərindən ibarət 27 nəfərlik heyət çıxış edəcək. Karateçiləri yığmanın məşqçilərindən Şahin Xudaverdiyev, Seymur Xudaverdiyev və Akif Kərimov müşayiət edəcək.
Beynəlxalq hakimlər Cahangir Babayev, Vüqar Kərimov və Anar Allahverdiyev mötəbər yarışın hakimləri arasında olacaqlar.
Turnir fevralın 26-da başa çatacaq.
