Milli komandamız Latviyadakı birincilikdə 13 medal qazanıb
Latviyada taekvondo üzrə Riqa açıq birinciliyi (G-1 kateqoriyalı) keçirilib.
Mediasport.az xəbər verir ki, gənclərdən ibarət komandamız yarışı 13 medalla başa vurub.
Bütün rəqiblərinə qalib gələn İlyas Hətəmli (48 kq), Məhəmməd Həsənli (51 kq), Fuad Məhərləmli (55 kq) və Elcan Əliyev (78 kq) qızıl medala yiyələnib. Finalda məğlub olan Nərgiz Kazımova (63 kq) və Yunis Hüseynov (68 kq) yarışda ikinci yeri tutublar.
Nilufər Borci (49 kq), Sehri Cəlalova (55 kq), Fatimə Həsənova (59 kq), Harun Salmanzadə (51 kq), Ziya Həsənli (59 kq), Hüseyn Xudiyev (73 kq) və Allahverdi Məmmədov (+78 kq) isə bürünc medala layiq görülüblər.
