Milli komandamız Niderland, İspaniya və Fransa yığmalarına qarşı
Qolbol milli komandamız Paralimpiya üzrə birinci Avropa oyunlarında iştirak edəcək.
MediaSport.az xəbər verir ki, avqustun 8-dən 18-nə qədər Niderlandda keçiriləcək yarışda millimizin qrupdakı rəqibləri müəyyənləşib.
Yığmamız Niderland, İspaniya və Fransa milliləri ilə eyni qrupda mübarizə aparacaq. İdmançılarımız ilk görüşünü avqustun 10-da ispanlara qarşı keçirəcəklər.
Qolbol yarışları avqustun 10-dan 14-ə kimi davam edəcək.
Qeyd edək ki, qolbol görmə qüsurlu şəxslərin idman növüdür və ilk dəfədir ki, Paralimpiya üzrə birinci Avropa oyunlarına daxil edilib.
