AVRO-2025: Millimizin Avropa çempionatında rəqibləri bilinəcək
Azərbaycanın qadın futbolçulardan ibarət milli komandasının AVRO-2025-in seçmə mərhələsində rəqibləri bu gün məlum olacaq.
Mediasport.az xəbər vcerir ki, püşkatma mərasimi İsveçrənin Nyon şəhərində keçiriləcək.
Tədbir Bakı vaxtı ilə saat 16:00-da başlanacaq.
3 liqadan ibarət olacaq yeni formatlı turnirdə A və B liqalarında 16, C liqasında isə 19 komanda mübarizə aparacaq.
B liqasında yarışacaq millimiz püşkatma zamanı 4-cü - sonuncu səbətdə yer alacaq.
Qitə birinciliyinin seçmə qrup oyunları aprel-iyul ayları aralığında keçiriləcək.
Turnirin final mərhələsi 2025-ci ilin iyulunda İsveçrədə təşkil olunacaq.
B liqasının səbətləri
1-ci səbət: Portuqaliya, İsveçrə, Şotlandiya, Uels;
2-ci səbət: Bosniya və Herseqovina, Serbiya, Xorvatiya, Macarıstan;
3-cü səbət: Slovakiya, Şimali İrlandiya, Ukrayna, Türkiyə;
4-cü səbət: Malta, İsrail, Kosovo, Azərbaycan.
