Azərbaycan çempionu oldu
Şahmatın rapid növü üzrə Azərbaycan çempionatına yekun vurulub.
mediasport.az xəbər verir ki, açılış mərasimində çıxış edən Azərbaycan Şahmat Federasiyasının prezidenti, FİDE-nin vitse-prezidenti Mahir Məmmədov turnirin əhəmiyyətindən danışaraq iştirakçılara uğurlar arzulayıb.
Rapid yarışında Rauf Məmmədov 9 turdan 7 xal toplayaraq birinci yerə layiq görülüb. Onunla eyni xal yığan Vüqar Əsədli ikinci, yarım xal az toplayan Məhəmməd Muradlı isə üçüncü olub.
Qadınlar arasında 7 turdan 5 xal yığan Ləman Hacıyeva əlavə göstəricilərə görə birinci yerə sahib olub. İkinci pillədə onunla eyni xala malik olan Ayan Allahverdiyeva qərarlaşıb. Ülviyyə Fətəliyeva turniri üçüncü yerdə başa vurub.
Bu gün şahmatçılar Azərbaycan çempionatında blits yarışında mübarizəni davam etdirəcək.
