Qadın Seriyasının Qəbələ mərhələsinin təqvimi məlumdur
3x3 basketbol üzrə Qadın Seriyasının Qəbələ mərhələsinin təqvimi açıqlanıb.
Mediasport.az xəbər verir ki, iyunun 2-3-də keçiriləcək turnirdə iştirak edəcək 8 komanda 2 qrupa bölünüb.
Azərbaycan, Portuqaliya, “Baku Flames” və “Varsav Lotto” A qrupunda yer alıb. B qrupunda isə Polşa, İtaliya, Rumıniya və “Barselona Panters” mübarizə aparacaq.
Mərhələnin açılış oyununda Azərbaycan millisi və yeni yaranmış “Baku Flames” üz-üzə gələcək.
Oyun saat 16:30 -da başlayacaq. Görüş “İdman TV” vasitəsilə canlı yayımlanacaq.
