Almaniya millisi AVRO-2024-ə böyük hesablı qələbə ilə başladı
Futbol üzrə 4-illiyin zirvə yarışlarından Avropa çempionatına start verilib.
Mediasport.az xəbər verir ki, Almaniyanın ev sahibliyi etdiyi qitə birinciliyinin final mərhələsi bir qarşılaşma ilə başlanıb.
İlk oyun günündə A qrupunda yer alan meydan sahibi Şotlandiya yığması ilə qarşılaşıb və Bundestim böyükhesablı qələbə qazanıb.
Qrupun Macarıstan - İsveçrə görüşü sabah oynanılacaq.
6 qrupdan ibarət 24 komandanın iştirakı ilə keçiriləcək turnir 10 şəhərdə və 10 stadionda təşkil ediləcək.
Avropa çempionatı. A qrupu. 1-ci tur
23:00. Almaniya - Şotlandiya 5:1
Qollar: Florian Virts, 10, Camal Musiala, 19, Kay Haverts, 45+1-pen., Niklas Füllkruq, 68, Emre Can, 90+3 - Antonio Rüdiger, 87-avtoqol.
Qırmızı vərəqə: Rayan Porteus (Şotlandiya)
Baş hakim: Kleman Türpin (Fransa).
Münhen, “Alyans Arena”.
