Azərbaycanda ilk dəfə Dünya Kuboku yarışı keçiriləcək
Azərbaycanda ilk dəfə xizək alpinizmi üzrə Dünya Kuboku yarışı keçiriləcək.
Mediasport.az xəbər verir ki, təşkilat komitəsi Beynəlxalq Xizək Alpinizmi Federasiyasından (İSMF) müsbət cavab alıb.
İSMF-nin təqviminə salınan Dünya Kubokunun 2025-ci il yanvarın 11-12-də "Şahdağ" Turizm Mərkəzində təşkili nəzərdə tutulub.
Qeyd edək ki, Dünya Kubokunun Azərbaycanda keçirilməsi ilə bağlı qərar bu il martın 9-10-da AQİNF və “Şahdağ" Turizm Mərkəzinin birgə təşkilatçılığı ilə baş tutan beynəlxalq xizək alpinizmi seriya yarışından sonra İSMF tərəfindən hazırlanan uğurlu qiymətləndirmə hesabatının nəticəsi əsasında verilib.
