DÇ-2024: Püşk atıldı - milli komandamızın rəqibləri müəyyənləşdi
Final mərhələsi 2024-cü ildə keçiriləcək futzal üzrə dünya çempionatının elit-raundunun püşkü atılıb.
mediasport.az xəbər verir ki, Azərbaycan yığma komandası "A" qrupunda yer alıb.
Millimizin rəqibləri Qazaxıstan, Rumıniya və Niderland futzalçıları olacaqlar. Bu mərhələnin oyunları dekabrın 20-dək yekunlaşacaq. Komandamız elit-raunda səfər oyunu ilə başlayacaq və yekun matçını da səfərdə keçirəcək.
Avropa zonasına 7 yer ayrıldığına görə, qrup qalibləri (5 komanda) final mərhələsinə birbaşa vəsiqə qazanacaqlar. Ən yaxşı göstəriciyə malik 4 “ikinci” yığma pley-off oyunlarında iştirak edəcək və qalib olan 2 milli final mərhələsinə yollanacaq.
Bu mərhələnin qarşılaşmaları 3 ay ərzində (11-20 sentyabr, 2-11 oktyabr, 11-20 dekabr) keçiriləcək.
Futzal. Dünya çempionatı. Elit raund
"A" qrupu
Qazaxıstan
Rumıniya
Azərbaycan
Niderland
"B" qrupu
Ukrayna
Polşa
Serbiya
Belçika
"C" qrupu
Xorvatiya
Slovakiya
Fransa
Almaniya
"D" qrupu
İspaniya
İtaliya
Sloveniya
Çexiya
"E" qrupu
Portuqaliya
Gürcüstan
Ermənistan
Finlandiya
