FİFA-nın Azərbaycanda keçirəcəyi turnirin təqvimi məlum olub
Bakıda baş tutacaq "FİFA series" turnirinin vaxtı məlum olub.
Mediasport.az xəbər verir ki, yarış martın 22-də start götürəcək.
Azərbaycan milli komandası həmin gün Monqolustanla, Bolqarıstan yığması Tanzaniya ilə qarşılaşacaq.
Yığmamız 3 gün sonra Bolqarıstan, Tanzaniya isə Monqolustanı sınağa çəkəcək.
Xatırladaq ki, "FİFA series" dünya futbol təşkilatı FİFA-nın yeni layihəsidir.
Miniturnir təqvimdə olan rəsmi yoldaşlıq oyunlarının əvəzinə təşkil olunacaq və orada fərqli konfederasiyalardan A milli komandalar mübarizə aparacaqlar.
