"Yaxşı oyun göstərməyə, həm də qələbə qazanmağa çalışacağıq"
!["Yaxşı oyun göstərməyə, həm də qələbə qazanmağa çalışacağıq"](https://mediasport.az/uploads/images/202403/image_750x_65fcb7c71bd1c.jpg)
"Fərqli futbol mədəniyyəti olan komanda ilə oynayacağıq. Yaxşı təcrübə olacaq"
Mediasport.az xəbər verir ki, bu sözləri Azərbaycan milli komandasının futbolçusu Bəhlul Mustafazadə deyib.
Müdafiəçi "FİFA series - Edition 2024" layihəsi çərçivəsində Monqolustan yığması ilə matçdan əvvəl keçirilən mətbuat konfransında iştirak edib.
Mustafazadə hazırlıqların qaydasında getdiyini vurğulayıb:
"Hər şey qaydasında gedir, plana uyğun çalışmalarımızı davam etdiririk. Qarşıdakı 2 matçda həm yaxşı oyun göstərməyə, həm də qələbə qazanmağa çalışacağıq".
Qeyd edək ki, Azərbaycan - Monqolustan qarşılaşması bu gün saat 20:00-da Tofiq Bəhramov adına Respublika stadionunda keçiriləcək.
Millimiz martın 25-də eyni saatda-eyni məkanda Bolqarıstan futbolçularını qəbul edəcək.