Azərbaycanda ilk dəfə keçirilən Federasiya Kuboku yekunlaşıb
İlk dəfə Azərbaycan badmintonu tarixində airbadminton üzrə Federasiya Kuboku keçirilib.
Mediasport.az xəbər verir ki, yarış qarışıq qoşa kateqoriyası üzrə açıq havada təşkil olunub.
Bakı Avropa Oyunları Parkında keçirilən kubokun qalibi Cahid Əlhəsənov-Həcər Nuriyeva tandemi olub. Rəvan Niftəliyev-Nigar Səmədova qoşası ikinci, Teymur Abbasov-Zülfiyyə Abbasova ilə Əli Gözəlov və Fatimə Həsənzadə isə bürünc medala yiyələnib.
5 İyul - Ümumdünya Badminton Gününə həsr olunan Federasiya Kubokunun qalibləri diplom, medal və hədiyyələrlə təltif olunublar.
Dünya Badminton Federasiyası, Gənclər və İdman nazirliyi və Azərbaycan Badminton Federasiyasının birgə təşkilatçılığı ilə keçirilən yarış iyulun 3-4-də baş tutub.
