Yığmamızın daha bir üzvü "Böyük Dəbilqə"də iştirak etməyəcək
Azərbaycanın daha bir cüdoçusu Fransanın paytaxtı Parisdə keçiriləcək Böyük Dəbilqə turnirində iştirak etməyəcək.
mediasport.az xəbər verir ki, 66 kq çəki dərəcəsində yer alan Orxan Səfərov xəstələndiyi üçün yarışa qatılmayacaq.
O, yüksək hərarət və öskürək səbəbindən milli komandanın baş həkiminin təqdimatı, performans direktorun və məşqçilər heyətinin qərarı ilə yığmanın heyətindən çıxarılıb.
Səfərovun müalicəsinə dərhal başlanılıb və onun ən qısa zamanda sağalıb tatamiyə geri dönməsi üçün bütün lazımi tədbirlər görülür.
Daha əvvəl Kəramət Hüseynovun (60 kq) zədə səbəbindən Böyük Dəbilqəni buraxacağı açıqlanıb. Yarış 4-5 fevralda təşkil olunacaq.
