Azərbaycan Kubokunun finalında Aygün Kazımova konsert verəcək
Azərbaycan Kubokunun finalından əvvəl Aygün Kazımovanın iştirakı ilə konsert proqramı baş tutacaq.
Mediasport.az xəbər verir ki, Xalq artisti iyunun 2-də Mərdəkanda "Liv Bona Dea" arenada baş tutacaq mövsümün son matçından əvvəl təşkil olunacaq konsert proqramına dəvət alıb.
Konsert saat 19:00-da başlanacaq.
Xatırladaq ki, finalda “Qarabağ” və “Zirə” klubları qarşılaşacaqlar.
Görüşün biletlərinin qiyməti yerlərdən asılı olaraq 5, 10, 15 və 50 manatdır.
Biletlər mayın 25-dən etibarən "Liv Bona Dea Arena" və Tofiq Bəhramov adına Respublika stadionunun kassalarında satışda olacaq.
