İspaniya klubu Avropa Kubokunda "Qarabağ"a rəqib oldu - Püşk atıldı
![İspaniya klubu Avropa Kubokunda "Qarabağ"a rəqib oldu - Püşk atıldı](https://mediasport.az/uploads/images/202307/image_750x_64b6d1d13438a.jpg)
2023/2024-cü illər mövsümündə EHF Avropa Kubokunda mübarizə aparacaq Azərbaycanın kişi və qadınlardan ibarət həndbol klublarının rəqibləri müəyyənləşib.
Federasiyadan "MediaSport"a verilən məlumata görə, təmsilçilərimiz yarışa 1/32 final mərhələsindən qatılacaq.
Avstriyanın paytaxtı Vyanada atılan püşkün nəticələrinə əsasən, qadınlardan ibarət “Azəryol” Bosniya və Herseqovinanın “Krivaya”, “Qarabağ” İspaniyanın “KH-7 BM Qranolyers”, “Kür” İtaliyanın “Jomi Salerno” komandaları ilə qarşılaşacaq.
İlk oyunlar 23-24 sentyabrda keçiriləcək. Mərhələnin cavab görüşləri isə 30 sentyabr-1 oktyabr tarixlərinə təyin olunub.
Kişilərdən ibarət “Azəryol” komandası “Vinner of HC Amber” (Litva) – “Briksen"” (İtaliya) cütünün qalibi ilə üz-üzə gələcək. Digər təmsilçimiz “Kür” isə Xorvatiyanın “Sesvete” kollektivi ilə mübarizə aparacaq.
İlk oyunlar oktyabrın 14-ü və 15-də, cavab matçları 21-22 oktyabr tarixlərində olacaq.