AVRO-2025: Azərbaycan millisi Türkiyə yığmasına məğlub oldu
![AVRO-2025: Azərbaycan millisi Türkiyə yığmasına məğlub oldu](https://mediasport.az/uploads/images/202405/image_750x_6659cf1d9bd77.jpg)
Qadın futbolçulardan ibarət Azərbaycan millisi Avropa çempionatının seçmə mərhələsində növbəti oyununa çıxıb.
Mediasport.az xəbər verir ki, komandamız səfərdə Türkiyə yığması ilə qarşılaşıb.
Görüşün taleyini 1 qol həll edib və Ebru Topçu komandasına qələbə qazandırıb.
Tərəflər arasında cavab görüşü iyunun 4-də Bakıda keçiriləcək.
İlk dəfə B Liqasında çıxış edən Siyasət Əsgərovun komandası qrupun əvvəlki iki matçında səfərdə Macarıstanla bərabərə (1:1) qalıb, Bakıda İsveçrəyə məğlub olub (0:4).
Qitə birinciliyinin final mərhələsi 2025-ci il iyulun 2-dən 27-dək İsveçrədə təşkil olunacaq.
AVRO-2025. B liqası. Qrup mərhələsi. 3-cü tur
Türkiyə - Azərbaycan 1:0
Qol: Ebru Topçu, 43.
Baş hakim: Aleksandra Kollin
Baş hakimin köməkçiləri: Elodie Koppola, Klotilde Brassar
Dördüncü hakim: Klemens Qonçalves
"Ərzincan 13 Şubat stadionu". Saat 21:00