Badmintonçumuz Keişa Fatimə Zəhra İslandiyada gümüş medal qazandı
Azərbaycanın qadın badmintonçusu Keişa Fatimə Zəhra İslandiyanın paytaxtı Reykyavikdəki “RSL Iceland International 2023” turnirində gümüş medal qazanıb.
mediasport.az xəbər verir ki, mübarizəyə 1/16 final mərhələsindən başlayan Keişa yalnız həlledici dueldə məğlub olub.
O, finalda danimarkalı badmintonçu ilə 3 set yarışıb və yekunda uduzaraq ikinciliklə kifayətlənib.
Digər qadın badmintonçumuz Era Maftuha şəxsi yarışda İngiltərə və Moldovanı təmsil edən rəqiblərini məğlub edərək 1/4 finala yüksəlsə də, bürünc medalın bir addımlığında uelsli rəqibinə uduzub. Keişa Fatimə Zəhra-Era Maftuha tandemi qadın badmintonçuların qoşa yarışında Danirmarka və İslandiyanı təmsil edən badmintonçulara qalib gəlsələr də, 1/4 finalda italyan rəqiblərinə məğlub olublar.
