"Cənab prezidentimiz İlham Əliyev də qeyd etdi ki..." - Cəfərquliyev
"Xankəndini görmək çox maraqlı, sevincli oldu. Oyun ikinci planda idi. Şükürlər olsun ki, meydandan da qalib kimi ayrıldıq".
Mediasport.az xəbər verir ki, bu sözləri Azərbaycan Kubokunun "Qarabağ" - MOİK (1:0) qarşılaşmasından sonra "köhlən atlar"ın oyunçusu Elvin Cəfərquliyev jurnalistlərə açıqlamasında deyib.
Ağdam təmsilçisinin cinah futbolçusu Xankəndi şəhər stadionunda keçirilən tarixi qarşılaşmadan sonra sualları cavablandırıb:
Bu gün futbolun ikinci plana keçməsi nəticəyə də təsir etdi?
- Əlbəttə, futbol ikinci planda idi. Cənab prezidentimiz İlham Əliyev də qeyd etdi ki, bu gün bir qalib var, o da Azərbaycan xalqıdır.
Performansının aşağı düşməsilə bağlı fikirlər var, öz oyununu necə dəyərləndirirsən?
- Açığı, eşitməmişəm. Fanatların fikirlərinə hörmətlə yanaşıram. Hər gün öz üzərimdə daha çox çalışır, inamlı olmaq istəyirəm. Hər gün çalışıram.
Meydançanın süni örtüklü olması oyununuza təsir etdi?
- Bəli, çətinliklərimiz oldu. Ot örtüyü çox pis idi, buna görə oyunumuz alınmadı.