DÇ-2022: Niderland yığması və 20 ildən sonra Seneqal 1/8 finala çıxdı
Dünya Kuboku-2022-də bir qədər öncə A qrupunda 3-cü tura yekun vurulub.
mediasport.az xəbər verir ki, başa çatan 2 görüşdən sonra 1/8 finala vəsiqə qazanan daha 2 millinin adı rəsmiləşib.
Beləliklə, Niderland və Seneqal yığmaları qrupda müvafiq olaraq 1-2-ci yerləri tutmaqla DÇ-də iştiraklarını davam etdirmək hüququ qazandılar. Lui van Qallı "narıncılar"ın pley-offa çıxacağı sürpriz sayılmasa da, Aliu Sissenin baş məşqçisi olduğu afrikalıların 20 ildən sonra mundialda qrup mərhələsini adlaması maraq doğurmaya bilməz. Seneqal sonuncu dəfə "Fransa-98"də 1/8-ə çıxmışdı.
Gecə saatlarında eyni saatda start götürəcək İran - ABŞ və Uels - İngiltərə duellərindən sonra daha iki yığmanın mərhələ adlayacağı rəsmiləşəcək. Daha əvvəl isə Braziliya, Fransa və Portuqaliya bu vəzifənin öhdəsindən vaxtından əvvəl gəlib.
Dünya Kuboku-2022. Final mərhələsi. 3-cü tur
A qrupu
Ekvador - Seneqal 1:2
Qollar: Moyzes Kaysedo, 68 - İsmaila Sarr, 44 (pen), Xalidu Kulibali, 70.
Niderland - Qətər 2:0
Qollar: Kodi Qakpo, 27, Frenki de Yonq, 50.
