AVRO-2025: Azərbaycan millisi Türkiyə yığmasına qalib gəldi
Qadın futbolçulardan ibarət Azərbaycan milli komandası Avropa çempionatının seçmə mərhələsində növbəti oyununu keçirib.
Mediasport.az xəbər verir ki, B Liqasının İ qrupunda yer alan millimiz dördüncü matçında Türkiyə yığması ilə qarşılaşıb.
“Dalğa Arena"da təşkil olunan görüş komandamızın əzmkar qələbəsilə yekunlaşıb.
3 gün əvvəl Ərzincanda rəqibinə yenilən Siyasət Əsgərovun komandası eyni hesabla revanş alıb.
Yığmamız qrupda daha əvvəl Macarıstanla səfərdə heç-heçə (1:1) edib, Bakıda lider İsveçrəyə uduzub (0:4).
AVRO-2025. B Liqası. İ qrupu. 4-cü tur
19:00 Azərbaycan - Türkiyə 1:0
Qol: Nigar Mirzəliyeva, 89.
Baş hakim: Nanna Löf Andersen
Baş hakimin köməkçiləri: Sidsel Rasmussen, Anna Kyaer Şmidt
Dördüncü hakim: Frida Klarlund (hakimlər briqadası Danimarka)
"Dalğa Arena"
