Milli komandamız Bakıda Yunanıstan yığması ilə qarşılaşır - DÇ-2024
Futzal millimiz bu gün DÇ-2024-ün əsas mərhələsində növbəti oyununa çıxacaq.
mediasport.az xəbər verir ki, Joze Alesio da Silvanın baş məşqçisi olduğu kollektiv Bakıda Yunanıstan yığması ilə qarşılaşacaq.
Bakı İdman Sarayındakı keçiriləcək görüş saat 20:00-da başlanacaq. Matçı Eduardu Koelyunun başçılığı ilə portuqaliyalı hakimlər briqadası idarə edəcək.
Yığmamız 6-cı qrupda 6 xalla liderdir, bir oyun çox keçirən Polşa futzalçılarının da aktivində eyni sayda xal var. Milli komandamız qrupda son oyununu məhz martın 7-də səfərdə Polşaya qarşı keçirəcək.
Dünya çempionatı-2024. Əsas mərhələ
Azərbaycan - Yunanıstan
Hakimlər: Eduardu Fernandeş Koelyu, Kriştianu Santuş, Felipe Qonsalo Santuş Duarte
Timekipper: Ceyhun Hüseynov
Hakim-inspektor: Edi Sunyiç (Xorvatiya)
UEFA nümayəndəsi: Haugen Kim Robin (Norveç)
Bakı İdman Sarayı. Saat 20:00
