Çempionlar Liqası həyəcanı: 1/4 final oyunlarına start veriləcək
Futbol üzrə UEFA Çempionlar Liqasında 1/4 final mərhələsinin görüşlərinə start veriləcək.
Mediasport.az xəbər verir ki, ilk oyun gününün ən maraqla gözlənilən qarşılaşması "erkən final" adlandırılan "Real" - "Mançester Siti" duelidir.
Digər matçda isə cari mövsüm həm daxili çempionatda, həm də avrokubokda kifayət qədər uğurlu çıxış edən "Arsenal" Almaniya nəhəngi "Bayern"i qonaq edəcək.
"Mançester Siti" - "Real" və "Bayern" - "Arsenal" cütlərinin cavab görüşləri 17 apreldə keçiriləcək.
Bu mərhələnin digər 2 oyunu sabah baş tutacaq.
UEFA Çempionlar Liqası. 1/4 final. İlk oyunlar
9 aprel
"Real" - "Mançester Siti"
"Santyaqo Bernabeu", 23:00.
"Arsenal" - "Bayern"
"Emireyts" stadionu, 23:00.
