"Neftçi" nigeriyalı forvardla anlaşmanın detallarını açıqladı
!["Neftçi" nigeriyalı forvardla anlaşmanın detallarını açıqladı](https://mediasport.az/uploads/images/202308/image_750x_64d3f713ae4da.jpg)
“Neftçi” mərkəz hücumçusu transferini rəsmiləşdirib.
mediasport.az xəbər verir ki, nigeriyalı Aaron Olanare ilə 1 illik müqavilə bağlanıb. 29 yaşlı futbolçu "ağ-qaralar"ın heyətində 25 nömrəli formanı geyinəcək.
Aaron Olanare Nigeriyanın “Şutinq Stars” (2010-2011), “Dolfin” (2011-2012), Norveçin “Valerenqa” (2012-2013), “Sarpsborq” (2013-2014), Çinin “Quançjo Siti” (2014-2017), “Siçuan Lonqfor” (2019), “Çanqçun Yatay” (2020), Rusiyanın ÇSKA (2016-2018), “Amkar” (2017-2018), İsrailin “Beytar" (2018-2019) və Türkiyənin “Ərzurumspor” (2021-2023) klublarında çıxış edib.
Nigeriya milli komandasının heyətində 7 oyun keçirib, 2 qol vurub. 2015/16 mövsümündə ÇSKA ilə Rusiya çempionu olub.
Qeyd edək ki, “Neftçi” bundan əvvəl milli komandamızın üzvləri – qapıçı Emil Balayev, Xorvatiya əsilli yarımmüdafiəçi Filip Ozobiç, mərkəz müdafiəçiləri – braziliyalı Yuri Matias və macarıstanlı Mark Tamaş, təcrübəli dayaq yarımmüdafiəçisi Qara Qarayev, sağ cinah müdafiəçisi Ervin Koffi və sol vinger Andre Şinyaşiki ilə anlaşıb.