Paris-2024: Azərbaycanın ilk idmançısı mübarizəyə başlayıb
Azərbaycanın ilk təmsilçisi Paris-2024 Yay Olimpiya Oyunlarında mübarizəyə başlayıb.
Mediasport.az xəbər verir ki, kamandan oxatma növündə Yaylagül Ramazanova gücünü sınayıb.
Sıralama turuna 30-cu cütdə başlayan təmsilçimiz 39-cu yeri tutub. O, 720 mümkün xaldan 647 xal toplayıb.
Milli üzvü mövsümdə ən yaxşı nəticəsinə imza atıb. Y.Ramazanova 1/32 finalda Quxuan Anla (Çin) qarşılaşacaq.
1/32 final görüşləri iyulun 30-da baş tutacaq. Qadınların kamandan oxatma yarışında mükafatçılar avqustun 3-də müəyyənləşəcək.
Azərbaycan millisi Fransada 48 idmançı ilə təmsil olunur.
Yığmamız 15 idman növü üzrə 17 proqramda çıxış edəcək.
Paris-2024-ə avqustun 11-də yekun vurulacaq.
