Tarixdə 17-ci Avropa çempionatı: 10 şəhər, 10 stadion - 24 komanda
Əsası 1958-ci ildə qoyulan futbol üzrə Avropa çempionatının başlanmasına çox az vaxt - 3 gün qalıb.
Mediasport.az xəbər verir ki, iyunun 14-də Almaniyada start götürəcək qitə birinciliyi tarixdə 17-ci olacaq.
6 qrupdan ibarət 24 komandanın iştirakı ilə keçiriləcək turnir 10 şəhərdə və 10 stadionda təşkil ediləcək.
4-illiyin ən maraqlı futbol yarışlarından sayılan Avropa çempioantının açılış görüşü Münhendə baş tutacaq, final qarşılaşmasına isə paytaxt Berlin ev sahibliyi edəcək.
Xatırladaq ki, ilk turnir 1960-cı ildə keçirilib və ilk çempion keçmiş SSRİ yığması olub. Yarışda cəmi 4 ölkənin komandası - SSRİ, Yuqoslaviya, Fransa və Çexoslovakiya iştirak edib.
AVRO-2024: Şəhərlər - Stadionlar
Berlin. Olimpiya stadionu
Tamaşaçı tutumu: 70033 nəfər
Əsası qoyulub: 1936 (yenidənqurma – 1960, 1974, 2006)
Oyun sayı: 6 (qrup, 1/8 final, 1/4 final, final)
Dortmund. “Vestfalen”//"Siqnal İduna Park" stadionu
Tamaşaçı tutumu: 61524 nəfər
Əsası qoyulub: 1974 (yenidənqurma – 1992, 1995-1999, 2002-2003, 2006)
Oyun sayı: 6 (qrup, 1/8 final, 1/2 final,)
Düsseldorf. “Düsseldorf Arena”
Tamaşaçı tutumu: 46264 nəfər
Əsası qoyulub: 2004
Oyun sayı: 5 (qrup, 1/8 final, 1/4 final)
Frankfurt. “Frankfurt Arena”
Tamaşaçı tutumu: 48057 nəfər
Əsası qoyulub: 1925 (yenidənqurma – 1937, 1953, 1972-1974, 2002-2005)
Oyun sayı: 5 (qrup, 1/8 final)
Helzenkirxen. “Arena AufŞalke"//"Feltins-Arena”
Tamaşaçı tutumu: 49471 nəfər
Əsası qoyulub: 2001
Oyun sayı: 4 (qrup, 1/8 final)
Hamburq. “Folksparkştadion”
Tamaşaçı tutumu: 50215 nəfər
Əsası qoyulub: 1998 (keçmiş arena – 1953)
Oyun sayı: 5 (qrup, 1/4 final)
Köln. “Köln Stadium”//"ReynEnerjiştadion"
Tamaşaçı tutumu: 46922 nəfər
Əsası qoyulub: 2004
Oyun sayı: 5 (qrup, 1/8 final)
Leypsiq. “Leypsiq” stadionu//"Red Bull Arena
Tamaşaçı tutumu: 46635 nəfər
Əsası qoyulub: 2004
Oyun sayı: 4 (qrup, 1/8 final)
Münhen. “Alyans Arena”
Tamaşaçı tutumu: 66026 nəfər
Əsası qoyulub: 2005
Oyun sayı: 6 (qrup, 1/8 final, 1/2 final)
Ştuttqart. “Ştuttqart Arena”
Tamaşaçı tutumu: 50998 nəfər
Əsası qoyulub: 1933 (yenidənqurma – 1949-1951, 1999-2003, 2004-005, 2009-2011, 2017)
Oyun sayı: 5 (qrup, 1/4 final)
AVRO-2024. Qruplar
A qrupu: Almaniya, Şotlandiya, Macarıstan, İsveçrə
B qrupu: İspaniya, Xorvatiya, İtaliya, Albaniya
C qrupu: Sloveniya, Danimarka, Serbiya, İngiltərə
D qrupu: Polşa, Niderland, Avstriya, Fransa
E qrupu: Belçika, Slovakiya, Rumıniya, Ukrayna
F qrupu: Türkiyə, Gürcüstan, Portuqaliya, Çexiya
Mediasport.az
