Fransalı futbolçu "Neftçi"də - RƏSMİ
"Neftçi" heyətini yeni futbolçu ilə gücləndirib.
mediasport.az xəbər verir ki, "ağ-qaralar" Qazaxıstanın "Astana" klubundan ayrılan Kilan Lebonu transfer edib.
26 yaşlı fransalı hücumameylli yarımmüdafiəçi ilə 1,5+1 il müddətinə müqavilə bağlanıb. O, 22 nömrəli formanı geyinəcək.
Lebon Fransanın “Amyen-2” (2014-2016), “Paris-2” (2016-2018), “Şambli” (2017-2018), “Paris” (2018-2020), “Qazelek Ayaçço” (2019-2020), “Kretey” (2020), Niderlandın “Utrext-2” (2019), Bolqarıstanın “Beroe” (2020-2022) və Qazaxıstanın “Astana” (2022) klublarında çıxış edib.
Paytaxt klubu daha əvvəl "Sumqayıt"dan Höccət Haqverdinin keçidini həll edib.
