Daha bir idmançımız bürünc medal qazandı - Avropa çempionatı
Azərbaycan ağırlıqqaldıranı Yunis Bayramov Moldovanın paytaxtı Kişinyovda keçirilən yeniyetmələr arasında Avropa çempionatında bürünc medal qazanıb.
Ağır Atletika Federasiyasında "MediaSport"a məlumata görə, yaşı 15-ə qədər olan oğlanlar arasında 67 kq çəki dərəcəsində çıxış edən idmançımız birdən qaldırma hərəkətində 99 kq-ı ram edib və bu hərəkətdə yarışın bürünc mükafatçısı olub.
Təkanla qaldırmada 112 kq-ın öhdəsindən gələn atlet həm bu hərəkətdə, həm də yekun sıralamada 211 kq (99+112) nəticə ilə 4-cü yeri tutub.
Qeyd edək ki, daha əvvəl Amin Osmanov (55 kq) qızıl medal qazanıb, Turan Əliyev (67 kq) isə Avropa üçüncüsü adını təmin edib.
